إاليكم هذه القصيدة من الشعر الشعبي و التي تحكي قصة المطعم الجامعي بالاقامة الجامعية 100 سرير -تبسة
قصيدة الرسطو
ياللي رايح للشر حاذر في الرسطو لخطر
واش يلزك لاك الرسطو جماعة جواعة سكنو وسطو
زادو لفعايلهم بسطو جوع وفقر وهم كثر
من لي عادت النخبة تسطو
على الكسرة واش ننتظر
ياللي رايح للشر
في كل ليلة تصرى مرقة على باقيطة وحسوة مرقة
تسوطي عليها جماعة الحرقة خلاهم ربي للشر
تحصل رجليهم فالغرقة نقمة من عالي لقدر
ياللي رايح للشر
وين ادق الخمسة ونص لازم تكون ثمة تعس
وعلى الستة يبدا الحس تسمع غير الله اكبر
هذا طاير ولوخر يقص وهذا فالشباك تحصر
هذا فالشباك تردى حصروه وحكماتو الفدة
و لاجو طالع فوق السدة يهاوش فيهم كي لبقر
واللي عندو وصفة تعدى مايحتاجش للممر
ياللي رايح للشر
يهدرلك واحد مستيكي وسمو خويا ادجا تيكي
واذا ماعندكش شريكي يالامي خليني نمر
هو بكلو مترافيكي ماهو انثى ولا ذكر
من تاليف الاخ محمدي الصادق سنة ثانية تاريخ
![[center]اليكم هذه القصيدة من الشعر الالتي تحكي الجامعي بالاقامة شعبي الجامعية 100قصة المطعم 0 سرير Empty](https://2img.net/i/empty.gif)
![[center]اليكم هذه القصيدة من الشعر الالتي تحكي الجامعي بالاقامة شعبي الجامعية 100قصة المطعم 0 سرير I_icon_minitime](https://2img.net/s/t/14/67/69/i_icon_minitime.gif){kind=icon}
السبت 21 نوفمبر 2009 - 19:25