بسم الله الرحمن الرحيم
السلام عليكم ورحمة الله تعالى وبركاته.
هنا بعض قصائد الشعر الشعبي
الجديد للمنتخب الوطني من الشاعر علي بن مسعود
--------------------------------------------------------------------------------
أصدم يا فريق بلادي *** في الملعب صادي *** يا حامل تاريخ أجدادي *** أصدم
أصدم في وسط الميـــــــــــدان أوقولِـلـهـم الـلـّـي خـــــــــــيــرْ
أونحنا لبطال الشجعـــــــــــان سلالــة جيش التحـــــــــــريــرْ
أونحنا في شِـدّة لمحـــــــــــان على النيف صفوف أطنابـــــير
وانشد من قديم زمــــــــــــــان عدينا ثورات اكثــــــــــــــــــيرْ
من بيزنطـة للرومـــــــــــــــان العبد القادر لمــــــــــــــــــــــيرْ
ونحنا بالصدق وليـمــــــــــــان بربـّي اقهرنا كل اشريـــــــــــرْ
لا نهزْ اقوال الصبيــــــــــــــان أوحاسدنا هولحقيـــــــــــــــــرْ
ومعروفين افلان أفــــــــــــلان وبالمعنى لكبير كبــــــــــــــــيرْ
أهل الحكمة والميــــــــــــــزان وعلمنـــــــا التاريخ انســــــــير
وإذا نـتــحارب طــــــــوفــــان الوحدتــنا كبير مع صغـــــــــير
وحتى في الخارج فرســـــــان أوديما في العدية منــــــــــاشيرْ
أوكي يقرع طبل الزّوفـــــــــان على وطنا وثورتنا انغـــــــــــير
أوديــما فـــي وجــــــه الطغيان نلهب كي السـّــامور زهــــــــيرْ
أوعـــمــرنـــــا ما كنا خيـــــان أولا كنا خــــــــــدام للغيــــــــــرْ
مع الخــيوة نبغي لحســــــــان أو يكفي من أكــلام أثرثــــــــيرْ
ولّـي أيــســاندنا يطـــــــمـــــان أوشـكــــــرا للمغرب الكبـــــــيرْ
ذاعــــوهــا فــــي كل امـــكــان وقـــالوا امــعــانا كــلمة خــيــرْ
قــالــوها الغــوغــاء بهـــتــان من بعض أشخـــاص امهــاثـيرْ
شــتـمــوا ادزايــر والســودان وطــعــنوا في صــدق البـشــيرْ
قل العـــوقالة يـا اخـــــــــــوان كفـــوا راو اكــــلام خــــــطـــير
اِحنــا وانـم فــسط المـــيـــــدان وجـــابوهــا اولاد عـــنـــاتــــيرْ
الجزاير بيهم تزيان انقول أولادي
اوعزّ اعيادي في نوفبر شهر أمجادي
- اصدم يا فريق بلادي –
اصــدم يــــا فـــريق وقـــول نحنايـــا اولاد الأبطـــــــــــــــال
فسط الملعب صول وجــــول وعـقـّـدها اعصاب الجــهـّـــــال
قاواوي ما امعاه احــــلــــول الشبكة امسيجــها ابلا احبـــــال
فوزي امصلي على الرسّــول يتــصــدى بـيــديــه طـــــــــوال
نسيم مـــكـــشــر كي الغـــول يـرجى في وقـــتـــو مـــــــــازال
بــوقرة العرض ما الطــــــول عــنتر فايضلوا لِهــــــــــــــبـال
حــــلــيش ايرجعها اقـــــفول واستر يـــــــــا مسلك لوحــــال
بــلــحاج تــلــّــقى للهـــــــول حـــالف لا تـتـــــعدى مــــوحال
رحّــو يدرس فيها ســــــــبول بابوش يــذّري الـقــــســـــــوال
سمير الواعر واسهــــــــــــول العيفاوي قــــــطع لوصــــــــال
زيـّـاني السيف المســـــــــلول مهــما تـــــقصار وتطــــــــوال
مطمور إذا هـــــــجم يصـــــول ايخلبطها يمين مع اشــــمـــــال
مغـّـــــــــني حــــدّر محـــمول شــرّع قــــلع كــل اقـــفـــــــــال
لــموشية الـــكــــل حلـــــــول يـــبدة في الســــــرعـــة بـّــدال
مــنـصــوري ماشو مجـهــول صـاروخ يصـدّع لــجـــبــــــــال
يـــاسين يفكــر مشغـــــــــول الــكورة يوصلها الجـــــــــــمال
رفـــيـــق يحــــل المـــقـفــول جـــبـــــور امـــفكك لـــــــغــلال
غــيــلاس الفــعــل المفعـــول مع عـــبد القــادر لغــــــــــــزال
زيــّــانــــي اقــذفها معــجول من رجـــــــــلو لاح الصــنـــيال
عنتر ثبـّــها في الــقـــــــول المـــــــريخ اترج بزلـــــــــــزال
ثـــــارت زرنــــة ودق طبول والـــــــــــــــــراية نجمة وهلال
جابـــــوهـــا لـــــولاد افحول أونشكر مــــــــــن شجع لشبال
أوحيو السودان عــــلى طول خـــــــاوتــنا مـــــــضرب لمثال
وتــهـــتف للــبــشير اوقــول والشـــــــعب اعمومة و اخوال
اِمزيـــتكــم تـــــبــقى في لول ولا نـنــــسو فــــــــضلك موحال
اِحــنا أوصول وما زلنا اصول ومــــــــن بكري افحوله وارجال
وللــشيخ رابح من حول الحول اِحنا امعاكم جــــيل ورا جيــــــال
مـــن أوروبـــا لاســــــطنبول العـــــــــــــــــروبة والعالم باكمال
رئيس الدولة المســـــــؤول ليكم ســــخـّرنا كـــــــــــل اموال
أوشاعر في نظمي معدول مشني بادي ايزيد اعنادي
كي يمسوا تاريخ اسيادي
اصدم يا فريق بلادي
اصــــدم يــا فـــريق اوطـــــــوف جولـــوا في الملعب طوّافه
لـــعــب الكورة ضـــرب سيــوف والصادي ناروا زوّافـــــــه
يرهـــــــب ويـــــن يــهد يحـوف من رجلو ترمي زقلافــــــه
ولـــد الـجــزايــر مـــعـــــــروف من بكري عـــند العرّافــــه
انـــــظر فـــي التاريــــخ وشوف في المـــاضي ماشي خرّافه
مـــــن حــــرب التحرير وقــوف والعالــــــــم يشهد بوصافه
اهزمــــنا لـلـــمان اليــغـــــنوف ونــــورنا وجوه السّـخــافه
صـــــدوا علينا بلـــــفظ اشنوف من الشّـبر يديروها كــوافه
يا خسارة الخــــــزي المكشوف ونــــــبشو فالماضي سيّافه
قــــــذفوا ولامــن قـــال الروف ونــزلو في الواطي زحـّـافه
كــــــان الــــــي قلبوا مرضوف كي يــــــمس الدزاير يتعافه
يغلـــــط من يهبــط هــيــــفوف ويقــــصر من عينوا شوّافه
نِـــحنا مـــــا عـــــــناش كلوف نهـــــــزّوا بقول النصّــــافة
اِحنا صفوف ومازلنا صفوف والـلّي يحــــــــــاربنا يتكافه
ونِحـــنا كـــرّامـــيــن اضـيوف ولا دجّــالة ولا خــــطــّــافه
ديــــمـــــا نــــــامر بالمعروف وهيهات نــــــكونوا خـوّافه
ربّــــي خـــالق كــــــل اصنوف وفيها الــبادي جاي وغادي
ظــلمــــونــــا لابــــد نــــــفادي
اصدم يا فريق بلادي
اصدم يا فــــريق أيـــــام تســـتــاهــــــــل كل التحيّــه
يا حامل تـــــــاريخ أقوام العربــــيـــة والــمـــــازيغيه
ميّــات اعوام على اعوام اصمـدنا على طمس الهويه
ويامــا رشقونا بسهــــام وقـــهــــرونــــا في كل ثنيه
تمسكنا بدين الاســـــــلام القرآن وخــــــــــاتم لنبّـــيه
وعمرنا ما كــــــنا خــدام ولا ركــــــــــعنا للصهيونيه
ولا نغرق في ظــل اوهام ولا ننســـب للفــــــرعونيّــه
ويا خضرا بضربت لقدام هـــــــديتي بلادك عزّ هــديه
الجزايــــــــر رفعت لعلام والرايــــــــــــة رمز الحرّيه
شرق وغرب وسط اتمام من الصــــــحرا للمنصوريه
وحتى من خارج لــرسام العربـــــــــــــة عزّ الوطنيه
شعب ودولــــــة والحكام التـّضــــــــــامن والخارجيه
وزير الشبيبة كي انضام وحجـّــار يخــــــــبر لعشيّـه
والجسر الطاير والحوام المــــــــــــدنيـّــة وعسكريه
لسعدان امحقق لحلام ومــــــعاه الـــطاقم والهيّــه
تستـــــاهل كـــــل احترام من شعبك واطـــيافو الحيّــه
ولشبالك بـــــــــلغ بسلام مــــــن هبّــت ثورة شعبيّــه
وروراوة مـــــذلل لقزام نشهدلـــــــــوا ولد الدّزيريه
والشهداء في أعـلى مقام في جـنّــة عـــــالي العليـّــه
وبـــــدوري نحـيّـي لِعلام مكتوب ومسموع ومرئيّــة
ونـــــــــــورد قول الختام مــن الشعب ملايين تحيّــه
لبوتـــفلــيقـــه الــهـــمام رجــــله وحكمة وفنطازيه
ونشالله الخير الـــــــقدام الفــــــــريق يحقق لمنيّــه
كاس العالم موش أفــلام ولا رقــــص ولا تمثيليّــه
بن مسعود نظمت كلام وجبت انشادي وبايت هادي
نا وعبادي وفارح بانجازات أولادي
اصدم يا فريق ابلادي في الملعب صادي
يا حامل تاريخ اجدادي أصدم
اجدادي
الخميس 3 يونيو 2010 - 21:39